یاریگا-
لیۆناردۆ ، بەڕێوەبەری وەرزشی یانەی پاریس سان جێرمانی فەڕەنسی باس لە دەنگۆی پێشكەشكردنی ئۆفەرە خەیاڵیەكە دەكات بە كیلیان ئیمباپێی فەڕەنسی و ئەستێرەی یانەكەیان.
پێشتر ڕۆژنامەی ” لو پاریزیان ” لە هەواڵێكدا ئاشكرایكرد پاریس ئۆفەرێكی خەیاڵی بە موچەی ساڵانەی 50 ملیۆن یۆرۆ پێشكەشی ئیمباپێ كردووە بەمەبەستی مانەوەی لە یانەكە.
لە وەڵامی ئەو دەنگۆیانەدا لیۆناردۆ ووتی: ئەوانە دوورن لە ڕاستیەوە ، ئێمە هێشتا پێشنیارێكی تایبەتمان نەكردووە ، شێوازێكی دیاریكراو هەیە ئەویش ئەوەیە كە كۆتا شت كە لە گرێبەستەكەیدا زیادی دەكەین پارەیە ، دەمانەوێت بیخەینە باشترین شوێنی گونجاوەوە.
هەروەها ووتیشی: باسی پارە ناكەین ، شتەكە هیچ پەیوەندی بە پارەوە نیە ، ئیمباپێ نرخێكی نایابی هەیە و پارە شتانێكی لاوەكیە ، تەواوی هەوڵی خۆمان ئەدەین بۆ هێشتنەوەی لە یانەكە.
گرێبەستەكەی ئیمباپێ لەگەڵ پاریس سان جێرمان لەهاوینی ئەمساڵدا بەسەردەچێت و ڕیاڵ مەدرید لەسەر هێڵە بۆ گواستنەوەی بۆ سانتیاگۆ بێرنابیۆ.
