یاریگا–
ساموئێل ئۆمتیتی، بەرگریکاری فەرەنسی یانەی بارسێلۆنای ئیسپانیا ئامادەنیە ریزەکانی یانەکەی جێبێڵێت و، یانەکەشی هەموو هەوڵێک دەدات ئەو یاریزانە بەرێ بکات.
رۆژنامەی سپۆرتی کەتەلۆنی بڵاویکردەوە، بەرگریکارەکەی بلاوگرانا بەم دواییە چەندین ئۆفەری لەلایەن یانەکانی دیکەوە پێگەیشتوو، کەچی ئامادەنیە سەرەڕای ئەوەی کەمترین یاری پێدەکرێت یانەکەی جێبێڵێت، ئەویش بەهۆی مووچە بەرزەکەیەتی.
سەرچاوەکە ئەوەشی باسکردووە، چەندینجارە کارگێری بارسا هەوڵ دەدات ئەو یاریزانە رازی بە جیابونەوە بکات، بەڵام یاریزانە هەوڵەکان رەتدەکاتەوە و ئێستاش جارێکی دیکە هەردوولا کۆبونەتەوە و دەنگۆیەک هەیە ئکە ئەمجارەیان رازی بووە.
