یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد بارسێلۆنا 10 یاریزانی یانەكەی لە لیستی یاریزانە ڕۆشتووەكانی یانەكەی داناوە.
بایرن میونشن لە یاریگای خۆیدا میوانداری بارسێلۆنای كرد و یاریەكەشی بە ئەنجامی سێ گۆڵی بێ وەڵام لێ بردەوە ، لە میانەی كۆتا هەفتەی قۆناغی كۆمەڵەكانی خولی یانە پاڵەوانەكانی ئەوروپا.
بەوەش یانە كەتەلۆنییەكە بەشێوەیەكی فەرمی ماڵئاواییان كرد لە خولی یانە پاڵەوانەكانی ئەوروپا كە یەكەمجار بوو ڕووبدات لە دوای ساڵی 2000/2001.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی بارسێلۆنا لیستێك یاریزانی درووستكردووە كە پێی وایە پێوویست نین بۆ یانەكە ئەوانیش ( دیست ، مینگوێزا ، ئۆمتیتی ،لوك دی یۆنگ ، كۆوتینهۆ ، دیمبلی ، نیتۆ ، بالدی ، لینگلێت ، برایسوەیت ).
