یاریگا–
عوسمان دێمبلی، هێرشبەری فەرەنسی یانەی بارسێلۆنای ئیسپانیا بووەتە ئامانجی هاوینی داهاتووی یانەی تۆتێنهامی ئینگلیزی.
رۆژنامەی وەرزشی مۆندۆدێپۆرتیڤۆی کەتەلۆنی بڵاویکردەوە، یانە ئینگلیزیەکە هەوڵەکانی بۆ گواستنەوەی هێرشبەرەکەی بلاوگرانا دەستپێکردووە و، ئەو یانەیە دەیەوێت هاوینی داهاتوو یاریزانە فەرەنسیەکە بێ بەرامبەر بۆ ریزەکانی بگوازێتەوە.
عوسمان هاوینی داهاتوو گرێبەستەکەی لەگەڵ بارسێلۆنا کۆتایی دێت و، ئەگەر تا ئەو کاتە گرێبەستەکەی نوێ نەکاتەوە، دەتوانێت بێ بەرامبەر یانەکەی جێبێڵێت.
