یانەی پاریس سان جێرمان رازییە ماوریسیۆ پۆچەتینهۆ بگەڕێتەوە پریمەرلیگ و ببێتە راهێنەری مانچێستەر یونایتد بەڵام بە مەرج.
بەگوێرەی ماڵپەڕی گۆڵ، یانە فەڕەنسییەکە داوایان لە پۆچ کردووە کە تاوەکو کۆتایی وەرز بمێنێتەوە و ئەوکات ئەگەر ویستی دەتوانێت یانەکە جێبهێڵێت.
ئەم هەنگاوەی پاریس هاوکاتە لەگەڵ گەیشتنی رانگنیک بۆ یونایتد وەکو راهێنەری کاتیی تا کۆتایی وەرز.
بەر لە هەواڵی هاتنی رانگنین، مانچێستەر بەنیازبوون پۆچەتینهۆ بهێننە ئۆڵدترافۆرد بەڵام پاریس رەتییان کردەوە دەستبەرداری ئەو راهێنەرە ببن.
راهێنەرە ئەرژەنتینییەکە دڵخۆش نیە لە پاریس و پاش تێپەڕبوونی ١١ مانگ هێشتا لە هۆتێلدا دەژی و خێزانەکەی نەگواستۆتەوە بۆ ئەو وڵاتە.
