پۆگبا لە ڕاهێنانەكانی هەڵبژاردەكەیدا تووشی پێكان هات
یاریگا-
پۆل پۆگبای فەڕەنسی و ئەستێرەی هێڵی ناوەندی یانەی مانچێستەر یونایتدی ئینگلیزی لە ڕاهێنانەكانی هەڵبژاردەكەیدا تووشی پێكان هات.
فەڕەنسا لە پاڵاوتنەكانی گەشتن بە جامی جیهانی 2022ی قەتەڕ ڕووبەڕووی هەردوو هەڵبژاردەی كازاخستان و فنلەندا دەبێتەوە.
بەپێی زانیاریەكانی ڕادیۆی مۆنتی كارلۆی فەڕەنسی پۆگبا لە قاچی ڕاستیدا تووشی پێكان بووە لە ڕاهێنانەكانی هەڵبژاردەكەیدا و بەهۆیەوە نەیتوانیوە ڕاهێنانەكانی تەواو بكات و گەڕاوەتەوە ژووری خۆ گۆڕین.
🇫🇷 Paul Pogba s'est blessé à la cuisse droite, après une frappe à l'entraînement. pic.twitter.com/jL260lhEt4
— RMC Sport (@RMCsport) November 8, 2021
دوای ئەو پێكانەش بەشداری كردنی پۆگبا لە هەردوو یاری بەرامبەر كازاخستان و فنلەندا گومانی لەسەرە.
فەڕەنسا بە كۆكردنەوەی 12 خاڵ لە پێشەنگی كۆمەڵەكەی دێت دوای تێپەڕبوونی شەش یاری.
