گاسپێرینی ئاشکرایدەکات چی بە رۆناڵدۆ گوتووە
یاریگا-جیان پیێرۆ گاسپێرینی ووتەکانی لەگەڵ کریستیانۆ رۆناڵدۆ ئاشکرادەکات پاش یارییەکەی شەوی رابردووی ئەتەلەنتا و مانچێستەریونایتد.
تیمەکەی گاسپێرینی باشتردەرکەوتن و لە پێش یونایتدەوە بوون تاوەکو کۆتا خولەک، بەڵام رۆناڵدۆ بە لێدانێکی جوان دووهەم گۆڵی خۆی لە یارییەکە تۆمارکرد و ئەتەلەنتای لە سەرکەوتن بێ بەشکرد.
لە دیمەنێکدا پاش یارییەکە رۆناڵدۆ و گاسپێرینی قسەیان دەکرد، کاتێک لە راهێنەرەکەیان پرسی باسیی چییان کردووە وتی “دوای یارییەکە قسەم لەگەڵ رۆناڵدۆ کرد، هەندێک دەڵێن رۆناڵدۆ کێشەیە بەڵام ئەو کێشەیەکی باشە کە هەتبێت، یاریزانێکی مەزنە و بە دەگمەن تۆپ دەنێرێتە دەرەوە یان گۆڵە یان دەگەڕێندرێتەوە. پێم وت بە ئیتاڵی “بڕۆ بۆ دۆزەخ”
بەو خاڵەی رۆناڵدۆ بۆ یونایتدی بەدەستهێنا، یانەکە لە پێشەنگی کۆمەڵەکەیان مایەوە و ئەتەلەنتاش بە پێنج خاڵ لە پلەی سێهەمە.
