یاریگا–
ئۆلێ گێنار سۆلشایەر، راهێنەری یانەی مانچێستەر یونایتدی ئینگلیزی دوای دۆڕانەکەی بەرامبەر لێستەر سیتی لە گەڕی هەشتەمی پرێمەرلیگ، بیانۆ بۆ دۆڕانەکە دێنێتەوە.
لە کۆنفڕانسی رۆژنامەوانی دوای یارییەکە، راهێنەرەکەی شەیتانە سوورەکان گووتی ” راستە ئێمە یارییەکی باشمان نەکرد، بەڵام نابێت لەبیر بکەین لەم یارییە ئێدینسۆن کاڤانی و فرێد دوو لە باشترینەکانمان لەگەڵ نەبوو، هەرچەندە ئەمە نابێتە بیانۆ و دەبێت باشتر بین “.
مانچێستەر یونایتد لەکاتێکدا لەگەڕی هەشتەمی پرێمەرلیگ لە دەرەوەی یاریگای خۆی دۆڕا، 27 یاری بوو لەسەر یەک لەدەوەرەی یاریگای خۆی تامی دۆڕانی نەکرد بوو.
