یاریگا-
زلاتان ئیبراهیمۆڤیچ، هێرشبەری هەڵبژاردەی سوید و یانەی ئەیسی میلانی ئیتاڵی دوای ماوەیەکی زۆر دوور کەوتنەوە بەهۆی پێکان، لە یاری ئەمڕۆی یانەکەی بەرامبەر لازیۆ جارێکی دیکە دەگەڕێتەوە.
ستێفانۆ پیۆلی راهێنەری یانەی ئەیسی میلان، لیستی ناوی یاریزانە بانگهێشتکراوەکانی یانەکەی بۆ یاری ئەمڕۆ بەرامبەر لازیۆ بڵاوکردەوە، لە لیستەکەدا ناوی یاریزانە سویدیەکەش هەیە و بەم شێوەیە ئەو یاریزانە لە پاڵ ئۆلیڤەر جیرۆی فەرەنسی، بریارە سەرکردایەتی هێلی پێشەوە یانەکەیان بکەن.
زلاتان نزیکەی چوار مانگ لەمەوبەر تووشی پێکان بوو و هەر بەم هۆیەوە لەو کاتەوە نەیتوانی بەشداری هیچ یارییەکی یانەکەی بکات، لە هەمان کاتدا یۆرۆی رابردووشی لەدەستدا.
