یاریگا-
یانەی ئینتەر میلانی ئیتاڵی بۆ شوێنگرتنەوەی ڕۆمێرۆ لوكاكۆی بەلجیكی و هێرشبەری پێشووی یانەكەیان یەكێك لە هێرشبەرەكانی ڕیاڵ مەدریدیان كردووەتە ئامانج.
ڕیاڵ مەدرید چەندین یاریزانی یانەكەی فرۆشتووە بە مەبەستی كۆكردنەوەی پارە بۆ گواستنەوەی كیلیان مباپێ كۆتا یاریزان ڕیاڵ مەدرید دەستبەرداری بوو مارتن ئۆدیگارد بوو بە بڕی 30 ملیۆن پاوەند پەیوەندی بە ئەرسیناڵەوە كرد.
ڕۆژنامەی سپۆرت ئاشكرایكردووە ئینتەر میلان نزیكە لە ڕێككەوتن لەگەل ڕیاڵ مەدرید بۆ گواستنەوەی لۆكا یۆڤیچی سڕبی و هێرشبەری ڕیاڵ مەدرید بۆ شوێنگرتنەوەی ڕۆمێرۆ لوكاكۆ.
دوو ساڵ پێش ئێستا لۆكا یۆڤیچ لە ئینتراخت فرانكفۆرتەوە پەیوەندی بە ڕیاڵ مەدریدەوە كرد بە بڕی 60 ملیۆن یۆرۆ بەڵام لە ئێستادا نرخی یاریزانەكە لە بازاڕی گواستنەوەكاندا بۆ 20 ملیۆن یۆرۆ دابەزیوە.
