ریال مەدرید ئامادەنیە مباپێ بگوازێتەوە
یاریگا–
کلیان مباپێ، گۆڵکاری هەڵبژاردەی فەرەنسا و یانەی پاریس سانجێرمانی فەرەنسا بەهۆی ئاستە نزمەکەی لە جامی نەتەوەکانی ئەوروپا، یانەی ریال مەدرید پاشگەز کردووەتەوە لە هەوڵەکانیان بۆ گواستنەوەی.
رۆژنامەی لیکیپی فەرەنسی بڵاویکردەوە کە هێرشبەری هەڵبژاردەی وڵاتەکەیان بەهۆی ئەو ئاستە نزمەی لە جامی نەتەوەکانی ئەوروپا پێشکەشی کرد، کارگێری شایانەکانی لە گواستنەوەی پاشگەز کردووەتەوە و ئەو یانەیە ئامادەنیە ئەم هاوینە پارەیەکی خەیاڵی لە پێناوی خەرج بکەن، لە هەمان کاتدا یانە ئیسپانیەکە بەڵێنی بە یاریزانەکەداوە ئەەگر بێتو ئەم هاوینە گرێبەستەکەی نوێ نەکاتەوە، ئەوا هاوینی داهاتوو بۆ ریزەکانیان بگوازنەوە.
کلیان مباپێ لە کۆی چوار یاری جامی نەتەوەکانی ئەوروپای 2020 نەیتوانی هیچ گۆڵێک بکات و لە کۆتاییدا هەڵبژاردەکەی لە قۆناخی شازدە بەرامبەر هەڵبژاردەی سویسڕا تووشی دۆڕان بوو و ماڵئاوایی کرد.
