بەپەلە: یانەی نەورۆز نزیک دەبێتەوە بچێتە ڕیزی گەورەکانی عێڕاق

یاریگا- 

لە بەردەوامی یاریەکانی خولی یانە پلە یەکەکانی عێڕاق، یانەی برایەتی لەسەر یاریگای خۆی بە ئەنجامی گۆڵێکی بێ بەرامبەر بەیانەی حوسێن دۆڕا.

لە یاریەکی دیکەشدا یانەی نەورۆز لەسەر یاریگەی زانکۆی تایبەت بەخۆی لە شاری سلێمانی بە دوو گۆڵی بێ وەڵام لەیانەی جەیشی بردەوە، بە سوود وەرگرتن لە بەرامبەر بونی یانەی عەفکی پێشەنگ، نەورۆز بە 19 خاڵ پلەی یەکەمی ڕیزبەندی وەرگرت و عەفک بە 18 خاڵ هاتە پلەی دووەم.

چوار یاری داهاتووی نەورۆز ئەگەر سەرکەوتن تۆماربکات بەفەرمی دەچێتە ڕیزی گەورەکانی عێڕاق و لە ساڵی داهاتوو لە نایابی عێڕاق یاری دەکات.