یاریگا –
ئنیتەر میلان داهاتووی کریستیان کیڤۆی یەکلایی کردەوە و بە لێدوانێک دڵنیایی دا بە راهێنەرەکەیان.
کیڤۆ کە خۆی وەک یاریزان لە ماوەی نێوان 2007-2014 درێسی ئینتەری پۆشی، لە 6ی یۆنیۆ/حوزەیرانی ساڵی 2025 پۆستی راهێنەرایەتی نێرازوری وەرگرت لە جێگەی سیمۆنی ئینزاگی.
کیڤۆ لە یەکەم وەرزی خۆیدا پیشەنگی خولی ئیتاڵی وەرگرتووە و تا رادەیەک نزیکبووەتەوە لە نازناوەکە، بەڵام لە چامپیۆنزلیگ لە پاشکۆی پاڵەوانێتیەکە بەشێوەیەکی چاوەڕواننەکراو لەسەردەستی بۆدۆ گلیمت کرانەدەرەوە.
لە نوێترین لێدواندا لە جۆزێپی مارۆتای سەرۆکی ئینتەر میلان سەبارەت بە داهاتووی کیڤۆ کە ماوەیەکە دەنگۆی لەسەر دروستبوو، وتی
بەدڵنیاییەوە وەرزی داهاتوو کیڤۆ لەگەڵماندا دەمێنێتەوە. گفتوگۆیەکان بەردەوام دەبن بۆ گرێبەستە نوێیەکەی. ئەو جارێکیتر لەگەڵماندا دەبێت.
کیڤۆ یەکێکە لە باشترین راهێنەرە هەڵکەوتووەکان لەسەر ئاستی ئەوروپا.
🚨🔵⚫️ Cristian Chivu will stay at Inter next season and negotiations will continue over new contract.
“He’s obviously staying, he’s gonna be with us again. Chivu is one of the best emerging managers in Europe”, says Inter president Marotta. pic.twitter.com/CZ6KODEVM7
— Fabrizio Romano (@FabrizioRomano) April 16, 2026
