شەوی رابردوو فلۆرەنتینۆ پێرێز جارێکیتر ئامادەی بەرنامەیەکی میدیایی بوو بۆ قسەکردن لەسەر نوێترین پێشهاتەکانی سوپەرلیگ.
ئەمەی خوارەوە بەشێکە لە گرنگترین ووتەکانی
- ساڵانێکی زۆرە ئیش لەسەر ئەم پڕۆژەیە دەکەین، رەنگە کێشەکە ئەوەبێت وەک پێویست روونمان نەکردبێتەوە چونکە گەورە و بچووک قازانجی لێ دەکەن بۆ جەنگین دژی ئەم بارودۆخە داراییە
- کەمێک دڵتەنگ و بێ ئومێدم لە هەمووان بارودۆخەکە وای لێهات
- خولی پاڵەوانەکان بەسەرچووە و تاوەکو قۆناغی چارەگی کۆتایی کەس گرنگی پێنادات
- وەرزی رابردوو بەهۆی ئەم شێوازەی ئێستا، `١٢ یانە گەورەکە ٦٥٠ ملیۆن یۆرۆیان لەدەست چوو
- هەرگیز ئەو جۆرە مامەڵە توندەم لە سەرۆکی تۆپی پێی ئەورووپا و بەشێک لە بەرپرسانی تۆپی پێی ئیسپانیا نەبینیوە، وەک ئەوەبوو کە بەیەکەوە رێککەوتبن
- هەڕەشە و سوکایەتیمان لێکرا وەک ئەوەی تۆپی پێ مان کوشتبێت بەڵام ئێمە ویستمان رزگاری بکەین
- هەموومان قسەمان کرد لە کۆبوونەوەکانی سوپەرلیگ، یەک یانەی ئینلگیزی بڕوای تەواوی نەبوو پاشان ئەوە بووە هۆکاری ژەهراوی کردنی مێشكی ئەوانی دیکەش بەڵام پێتان ناڵێم کێ بوو
- بەشێک لە سەرۆکەکان بۆ پارە نەهاتبوون بەڵکو بۆ لەبەر خۆشەویستییان بۆ تۆپی پێ
- کێشەم لەگەڵ پاریس سان جێرمان نیە و من لەگەڵ هەمووان هاوڕێم، خۆشیان ئەوە دەزانن
- فیفا و یوفا رێگەیان نەدا وەک پێویست پڕۆژەکە روون بکەینەوە و راست نەبوون لەگەڵ خەڵکدا
- یوڤێنتۆس نەڕۆیشتووە و هێشتا لەگەڵ ئێمە و بارسێلۆنا ماوە
- سوپەرلیگ لە ئێستادا راگیراوە بەڵام کۆتایی نەهاتووە
- ئەم پڕۆژەیەش سەرنەگرێت، پڕۆژەی دیکەمان دەبێت
- من بەجێ نەهێڵدراوم و زۆر کەس پەیوەندییان پێوەکردووم و پشتگیریم دەکەن
- مانەوەی رامۆس بەندە بە بارودۆخی دارایی یانەکە
- پارەمان نیە بۆ هێنانی یاریزانی گەورە بەڵام نازانم ئێمباپێ دێت یاخود نا
- هیچ یانەیەک هێشتا بەفەرمی نەرۆیشتووە چونکە دەبێت سزای رۆیشتنییان بدەن!
