ئیسپانیا
پالێوراوێكی سەرۆكایەتی ڕیاڵ مەدرید: زێدان ڕاهێنەرمان نابێت
یاریگا-
ئینریكی ڕیكیلمی پاڵێوراوی پۆستی سەرۆكایەتی یانەی ڕیاڵ مەدریدی ئیسپانی ڕایگەیاند زەینەدین زێدانی فەڕەنسی ڕاهێنەری یانەكە نابێت لە ئەگەری دەرچوونی لە هەڵبژاردنەكان.
ئینریكی ڕیكیلمی بەشێوەیەكی فەرمی ڕایگەیاند كەوا خۆی كاندید دەكات بۆ هەڵبژاردنەكانی پۆستی سەرۆكایەتی یانەی ڕیاڵ مەدرید.
لە لێدوانەكانیدا دوای خۆ كاندیدكردنی ڕیكیلمی ووتی: یەكەم ئیش كە بیكەم گەڕاندنەوەی كریستیانۆ ڕۆناڵدۆیە بۆ یانەكە.
هەروەها سەبارەت بە هالاند ووتی: قسەمان لەگەل دۆرتمۆند كردووە و دەیانەوێت بۆ وەرزێكی تر بیهێڵنەوە بەڵام ئەگەر گرێبەستێكی باشیان پێشكەش بكەین ڕازی دەبن.
سەبارەت بە زێدان ووتی: ئەو ڕاهێنەرمان نابێت ، من بە ڕاستی شێوازی یۆرگن كلۆپم خۆش دەوێت.
