لیڤەرپوول نیازی دەستبەرداربوونی سەڵاحی نیە

یاریگا- سەرچاوەیەکی بەریتانی بە پێچەوانەی دەنگۆکانەوە زانیاریی نوێ دەخاتەڕوو سەبارەت بە نیازی لیڤەرپوول و ئەگەری دەستبەرداربوونی لە موحەمەد سەڵاحی یاریزانی.

لە ماوەی ڕابردوودا دەنگۆی زۆر دروست بوو کە ئەستێرە میسریەکە چیتر لە ڕێدز ئاسوودە نییە و ڕۆشتنی پێ باشترە. هەندێک لە ڕووداوەکانی نێوان ئەو یاریزانە و یۆرگن کڵۆپی ڕاهێنەر، هێندەیتر ئەو هەواڵانەی گەرمتر دەکرد.

لە تازەترین پێشهاتدا، ڕۆژنامەی ئیندیپێندێنتی بەریتانی باس لەوە دەکات کە لیڤەرپوول هەندێ لە ئەستێرەکانی دەفرۆشێت بەڵام دەستبەرداری سەڵاح نابێت.

ڕۆژناکە ئەوەشی خستۆتە ڕوو کە کارگێڕی ڕێدز وەک بەردی بناغەی پرۆژه نوێیەکی تەماشای سەڵاح دەکەن و بە گرێبەستی نوێ لە پاڵ ئەودا دەیانەوێت یانەکەیان باشتر بکەن.