ڕۆناڵدۆ دوای بردنەوەی جامی سوپەر: ئەمە ئەو یوڤێنتوسەیە كە ئێمە خۆشماندەوێت
یاریگا- كریستیانۆ ڕۆناڵدۆی پورتوگالی و ئەستێرەی یانەی یوڤێنتوسی ئیتاڵی ستایشی ئاستی یانەكەی دەكات لە یاری سوپەری ئیتاڵیا بەرامبەر ناپۆلی.
یوڤێنتوس توانی بە دوو گۆڵی بێ وەڵام لە ناپۆلی بباتەوە و ببێتە پاڵەوانی جامی سوپەری ئیتاڵیا و كریستیانۆ ڕۆناڵدۆ توانی گۆڵی یەكەمی یاریەكە تۆمار بكات و كۆی گۆڵەكانی بگەیەنێتە 760 گۆڵ.
لە دوای یاریەكە گۆڵكارە پورتوگالیەكە لە توویتەری تایبەتی خۆی نووسیوویەتی: ” دڵخۆشم بە نازناوی چوارەمم لە ئیتاڵیا ، ئێمە گەڕاینەوە ، ئەمە ئەو یوڤێنتوسەیە كە خۆشماندەوێت ، ئەمە ئەو یانەیەیە كە ئێمە متمانەمان پێیەتی ، ئەمەش ئەو ڕۆحیەتیەیە كە دەبێتە هۆی بردنەوەی ئێمە ، هەر بژین هاوڕێكانم ”.
Very happy with my 4th title in Italy… We are back! This is the Juve we love, this is the team we trust and this is the spirit that will lead to the wins we want! Well done, guys! Fino Alla Fine! 🏆🏳️🏴💪🏽 pic.twitter.com/NoU2ux39gW
— Cristiano Ronaldo (@Cristiano) January 20, 2021
