یاریگا–
تاوەکو دێت بارودۆخی کەش و هەوای شاری پامپلۆنا دژوارتر دەبێت و بە ئەگەرێکی زۆرەوە یارییەکەی ئۆساسۆنا و ریال مەدرید دوابخرێت.
رۆژنامەی وەرزشی ئاسی ئیسپانیا بڵاویکردووە، کەش و هەوای شاری پامپلۆنا تاوەکو دێت بە هۆی بارینی بەفرێکی زۆرەوە دژوارتر دەبێت و بە ئەگەرێکی زۆریشەوە یارییەکە کە بریارە ئەمشەو کاتژمێر یازدە بکرێت بۆ سبەی یەک شەممە دوابخرێت.
بەرپرسانی یانەی ئۆساسۆنا نزیکەی 40 کارمەندیان دەست نیشان کردووە بەردەوام بەفری یاریگاکە رادەماڵن و چەندین بلاجیکتۆریشیان لە یاریگا جێگیر کردووە بۆ تواندنەوەی بەفرەکە.
