چاڤی: لاپۆرتا باشترین سەرۆكە لە مێژووی بارسێلۆنادا

‎یاریگا- چاڤی هێرناندێز ، ڕاهێنەری یانەی سەدی قەتەڕی و ئەستێرەی پێشووی بارسێلۆنا دووپاتیكردەوە نایەوێت كاریگەری هەبێت لەسەر هەڵبژاردنی سەرۆكایەتی بارسێلۆنا و لاپۆرتای بە باشترین سەرۆكی یانەكە دەستنیشاكرد.

‎بارسێلۆنا لە ئامادەكاریدایە بۆ هەڵبژاردنەكانی سەرۆكایەتی یانەكە لە مانگی كانونی دووەمی داهاتوودا، دوای دەستلەكاركێشانەوەی جۆسێپ ماریا بارتۆمیۆ.

چاڤی لە چاوپێكەوتنێكیدا بۆ تۆڕی “El Periódico de Catalunya” ووتی: من كەسێكی دیار و كاریگەرم بۆ بارسێلۆنا ، نامەوێت هیچ كاندیدێك پەسەند بكەم ، من هاوڕێی هەموویانم، بەدڵنیایەوە باشترینم بۆ یانەكە دەوێت.

هەروەها ووتیشی: پەیوەندیم لەگەڵ ڤیكتۆر فۆنت زۆر باشە و زیاتر لە جارێك قسەمان لەسەر ئایندەی بارسێلۆنا كردووە ، هەروەها خوان لاپۆرتا من بە باشترین سەرۆكی بلاوگرانای دەزانم.

ئاماژەشی بەوە كرد كە لایەنگری هیچ كام لە سەرۆكەكان ناكات لە هەڵمەتی هەڵبژاردنەكاندا كە لە 24 مانگی كانونی دووەم بەڕێوە دەچێت.