دوای ئەوەی بە هەڵەیەکی دی خیا، چێڵسی توانی گۆڵی بەرامبەر بە مانجستەر یونایتد تۆمار بکات، خوان ماتا پشتگیری لە گۆڵپارێزی یانەکەی دەکات.
لە لێدوانێکی بۆ سکای سپۆرت، ماتا رایگەیاند:
“گومان لە تواناکانی دەیڤد ناکرێت. ئاستی ئەو بۆ یانەکەمان سەرسامکەر بووە. ئەو ژمارە خاڵانەی بۆ ئێمەی پاراستووە زۆرن”
“هەموومان ساتی باش و خراپمان هەیە، بۆ من ئەوەی گرنگ بێت ئەوەیە کاردانەوەت چی دەبێت، پێم وایە کاردانەوەی ئەو ئەرێنی بوو”
“من ١٠٠٪ دڵنیام لە ئاستی ئەو، هەموومان باوەڕمان پێیەتی”
“ئەمڕۆ ئەو و ئێمە دڵخۆش نین بەڵام سبەی دێت بۆ راهێنان و باشترینی خۆی پێشکەش دەکات”
“ئەوەی ئێمە دەتوانین بیکەین ئەوەیە، راستگۆیانە سەیری دۆخەکە بکەین، ئەو ئێستا نیگەرانە، بەڵام من بەڕاستی پێم وایە یەکێکە لە باشترینەکانی جیهان”
