یاریگا –
فلۆرێنتینۆ پێرێز لەو چاوپێکەوتنەی لەگەڵ جۆسێپ پێدرێرۆڵ کردی، باسی چەند بابەتێکی پەیوەست بە تۆپی پێ کرد، لەوانە ئەگەریی گەڕانەوەی جۆزێ مۆرینیۆ، نوێکردنەوەی گرێبەستی ڤینیسیۆس، هاڵاند…
سەرۆکی ریال مەدرید، فلۆرێنتینۆ پێرێز، شەوی چوارشەممە چاوپێکەوتنێکی لەگەڵ جۆسێپ پێدرێرۆڵ بۆ بەرنامەی El Chiringuito. گفتوگۆکە نزیکەی 40 خولەکی خایاند و تەنیا کەمتر لە 24 کاتژمێر دوای کۆنگرە رۆژنامەوانییە بەپەلەکەی رۆژی سێشەممە هات کە تێیدا هەڵبژاردنی سەرۆکایەتی یانەکەی راگەیاند.
لەگەڵ پێدرێرۆڵ، جگە لە گفتوگۆکردن دەربارەی هەڵبژاردنەکان و سەرکۆنەکردنی ئەوەی ناوی نا “دوژمنایەتی هەندێک لە رۆژنامەنووسان بەرامبەر بە ریال مەدرید”، باسی بابەتە وەرزشییەکانیشی کرد. لێرەدا هەندێک لە دیارترین لێدوانەکانی کە پەیوەستن بە تۆپی پێ دەخەینەڕوو:
دوو ساڵ بەبێ نازناو
خەریکە کەم بایەخ بەوە دەدەین کە هەمانە. ساڵی پار جامی سوپەری یوێفا و جامی جیهانیی یانەکانمان بردەوە. ئایا ئەوانە چیدیکە بە نازناو نازانرێن؟ با شتەکان نەکەینە جێی گاڵتەجاڕی. ئەمە هەڵمەتێکی رێکخراوە. من خاوەنی مەدرید نیم، ئەندامەکان خاوەنین. لەبەرامبەر ئەم ململانێیەدا، بڕیارمدا بانگەواز بۆ هەڵبژاردن بکەم. لەم دۆخەدا کە ناسەقامگیرییەکی هەمیشەیی هەیە، دەبوو ئەمە بکەم.
ئایا لە سەردەمی ئێمباپێ لە مەدرید نائومێدیت؟
ئەمساڵ بەو شێوەیە نەڕۆیشت کە دەمانویست، بەڵام هێشتا هەندێک شتمان بە باشی کردووە. سەرچاوەی هەموو شتێک جامی جیهانیی یانەکان بوو. نەمانتوانی لە رووی جەستەییەوە چاک ببینەوە. پلەی دووەم… ئەی ئەوکات ئاتلێتیکۆ دەبێت چی بکات؟ ئەی ئەوانی دیکە؟
🌟 “¿MOURINHO? NOS ELEVÓ LA COMPETITIVIDAD”.
🏆 “A partir de ahí, ganamos seis Champions League”.
FLORENTINO, sobre el técnico portugués con @jpedrerol en #FlorentinoLaSexta. pic.twitter.com/QsAvyVPLLl
— El Chiringuito TV (@elchiringuitotv) May 13, 2026
ئایا مۆرینیۆت خۆش دەوێت؟
هەموو راهێنەرەکانم خۆش دەوێت. مۆرینیۆ لەگەڵمان بوو و ئاستی رکابەرییمانی بەرز کردەوە. دوای ماوەکەی ئەو، لە 10 ساڵدا شەش جامی چامپیۆنزلیگمان بردەوە.
ئایا گرژی لە ژووری خۆگۆڕیندا هەیە؟
نەخێر، ئەوان زۆر بە باشی پێکەوە دەگونجێن. شەڕ لە کاتی مەشقەکاندا هەمیشە هەبووە. لە هەر یانەیەکتان دەوێت بپرسن، بەڵام ئەوەی یانەکانی دیکە نییانە، ئەو نییەتە خراپەیە کە لە پشت ئەم هەڵمەتە رێکخراوەوەیە.
ئایا واژۆکردنی گرێبەست لەگەڵ چابی ئالۆنسۆ هەڵە بوو؟
نەخێر، بابەتەکە پەیوەندی بە هەلومەرجەکانەوە هەبوو. هەموو شتێک بە جامی جیهانیی یانەکان دەستی پێ کرد، مەشقی پێش وەرزمان نەبوو. کاتێک مەشقی پێش وەرزت نەبێت، لە رووی جەستەییەوە دادەڕمێیت. پێمان وابوو گۆڕانکارییەکە (دوورخستنەوەی ئەو) دەتوانێت چارەسەری بکات، بەڵام تەنیا بۆ ماوەیەکی کەم بەردەوام بوو و پاشان تیمەکە دووبارە ئاستی دابەزییەوە.
😳 “¿El VESTUARIO? En el REAL MADRID MANDAN los ENTRENADORES”.
“¿Xabi Alonso? No me equivoqué fichándole”.
Florentino analiza la situación del Madrid con @jpedrerol en #FlorentinoLaSexta. pic.twitter.com/9cBkJYYjYq
— El Chiringuito TV (@elchiringuitotv) May 13, 2026
ئایا ئێمباپێ پابەندە؟
ئێمباپێ باشترین یاریزانە کە مەدرید ئێستا هەیبێت. ئەو خەڵاتی پێڵاوی زێڕینی بردەوە، کەواتە شتەکە بەو جۆرە نییە کە گۆڵ نەکات، بەڵام هەندێک شت هەن پێویستە باشتر بکرێن.
ئایا گرێبەستی نوێ دەبێت؟
بێگومان. هەمیشە گرێبەست هەبووە، هەمیشە گرێبەستمان لەگەڵ باشترین یاریزانەکان واژۆ کردووە. من گرێبەستم لەگەڵ فیگۆ، زیدان، رۆناڵدۆی ‘قەڵەو’، بێکهام واژۆ کرد… کاتێک یاریزانێکی باش هەبێت، من بەدوایدا دەچم.
هالاند؟
من لێدوان لەسەر ئەوە نادەم. ئەوە کاری بەشی وەرزشییە، من دەستوەردان لە کاری بەشی وەرزشیدا ناکەم.
💣 FLORENTINO CONFIRMA QUE HABRÁ FICHAJES:
👀 “Siempre hemos fichado a los mejores”.
👀 “¿Es Haaland imposible de fichar? No lo sé…”.¡Su entrevista con @jpedrerol, ahora en #FlorentinoLaSexta! pic.twitter.com/uHcWZpPlRX
— El Chiringuito TV (@elchiringuitotv) May 13, 2026
لامین یامال
بێگومان بە دڵمە. گرێبەستی لەگەڵ بکەم؟ (پێدەکەنێت). پەیوەندی لەگەڵ بارسێلۆنا بەتەواوی پچڕاوە.
ئایا ڤینیسیۆس گرێبەستەکەی نوێ دەکاتەوە؟
بەڵام من ئەو کەسە نیم کە گرێبەستەکان نوێ دەکەمەوە. ڤینیسیۆس بە یەکێک لە یاریزانە گەورەکانی مەدرید دەبینم. دوایین دوو جامی چامپیۆنزلیگی بۆ بردینەوە. هیچ پەلەیەک بۆ نوێکردنەوەی گرێبەستەکەی نییە، هەموو وەرزەکەمان لەبەردەمدایە بۆ قسەکردن. تۆ (پێدرێرۆڵ) پێتوایە من کۆنترۆڵی هەموو شتێک دەکەم. بەشی وەرزشی دەبێت مامەڵە لەگەڵ ئەوەدا بکات.
😱 “¿VINICIUS? NO HAY PRISA por RENOVARLE”.
FLORENTINO habla del brasileño con @jpedrerol en #FlorentinoLaSexta. pic.twitter.com/PF4vI2Clp7
— El Chiringuito TV (@elchiringuitotv) May 13, 2026
