راهێنەرێکی ناودار پەیوەندی بە یانەیەکی ناوداری لالیگا کرد
یاریگا –
ئێدین تێرزیچ، راهێنەری پێشووی بۆڕووسیا دۆرتموند وەکوو راهێنەری نوێی ئاتلێتیک بیلباو دەستنیشانکرا.
ئاتلێتیک بیلباو رایگەیاند، بەشێوەیەکی فەرمی ئێدین تێرزیچ، راهێنەری کڕواتی/ئەڵمانی وەکوو راهێنەری نوێی یانەکە دەستنیشانکراوە و لە وەرزی نوێوە پۆستی راهێنەرایەتی یانە ئیسپانییەکە وەردەگرێت.
بیلباو ئاماژەی بەوەش کردووە، گرێبەستی راهێنەرە 43 ساڵانییەکە لەگەڵ بیلباو بۆ ماوەی دوو وەرز دەبێت و تێرزیچ تاوەکوو هاوینی 2028 راهێنەری بیلباو دەبێت.
ℹ️ Edin Terzić has agreed a deal to become Athletic Club’s head coach for the next two seasons.
— Athletic Club (@Athletic_en) May 5, 2026
تێرزیچ لە هاوینی 2024 دوای شکستی بۆڕووسیا دۆرتموند لە یاریی کۆتایی چامپیۆنزلیگ بەرامبەر ریال مەدرید، دەستی لە پۆستی راهێنەرایەتی یانەکەی کێشایەوە و لەوکاتەوە پشووی وەگرتووە و راهێنەرایەتی هیچ تیمێکی دیکەی نەکردووە.
