یاریگا –
ریال مەدرید بەشێوەیەکی فەرمی پێکانی کیلیان ئێمباپێ، هێرشبەری فەڕەنسی راگەیاند، بەڵام ماوەی دوورکەوتنەوەی رانەگەیاندووە.
دوای ئەو پشکنینانەی ئەمڕۆ لەلایەن تیمی پزیشکیی ریال مەدریدەوە بۆ یاریزانمان کیلیان ئێمباپێ کران، دەرکەوتووە کە بەشی پشتەوەی ماسوولکەی رانی چەپی تووشی پێکان بووە و چاودێری پڕۆسەی چاکبوونەوەکەی دەکرێت.
هاوکات بەگوێرەی زانیارییەکانی رۆژنامەی ئێل موندۆ، ئێمباپێ لە یاریی داهاتووی ریال مەدرید بەرامبەر ئیسپانیۆل یاریی ناکات، بەڵام ریال مەدرید هیوایەکی کەمی هەیە هێرشبەرە فەڕەنسییەکە بۆ کلاسیکۆ بگەڕێتەوە.
Parte médico de Mbappé.
— Real Madrid C.F. (@realmadrid) April 27, 2026
کیلیان ئێمباپێ لە یاریی بەرامبەر ریال بێتیس بەهۆی هەستکردن بە ئازار یارییەکەی تەواو نەکرد و بە ناچاری یاریگای جێهێشت.
مەترسی ئەوە هەبوو ئەم وەرزە بۆ ئەو هێرشبەرە فەڕەنسییە کۆتایی هاتبێت، بەڵام دەرکەوتووە پێکانەکەی زۆر سەخت نییە و ئەگەری هەیە بەشداریی کلاسیکۆ بکات.
