لیستی رەش لە کامپ نۆو؛ بارسێلۆنا دەستبەرداری پێنج ئەستێرەی گەورە دەبێت

یاریگا –

سەرەڕای ئەوەی بارسێلۆنا بە جیاوازی نۆ خاڵ لە پێشەنگی لالیگادایە، بەڵام شکستی لە چامپیۆنزلیگ وای کردووە کارگێڕیی یانەکە و هانزی فلیک بڕیاری قورس بدەن.

بەگوێرەی زانیارییەکانی رۆژنامەی مارکا، بارسێلۆنا لە هاوینی داهاتوو رێگە بە پێنج یاریزانی سەرەکی دەدات یانەکە جێبهێڵن.

کۆتایی خەونەکەی راشفۆرد لە بارسێلۆنا
گەورەترین سوپرایز مارکوس راشفۆردە؛ هێرشبەرە ئینگلیزییەکە کە بە خواستن لە مانچێستەر یونایتدەوە هاتبوو، ئاستێکی ناوازەی پێشکەش کرد 12 گۆڵ و 13 ئەسیست، بەڵام بارسێلۆنا ئامادە نییە بڕی 26 ملیۆن پاوەند بۆ کڕینەوەی بدات. مان یونایتدیش ئامادە نییە نرخەکەی دابەزێنێت، بۆیە راشفۆرد دوای جامی جیهانی 2026 دەگەڕێتەوە ئینگلتەرا.

ماڵئاوایی ئەفسانەکان و کێشەی دارایی

• رۆبێرت لیڤاندۆڤسکی؛ هێرشبەرە پۆڵەندییەکە گرێبەستەکەی تەواو دەبێت و بەهۆی تەمەن و پێکانەکانییەوە، یانەکە پلانی نوێکردنەوەی نییە.

• فرێنکی دی یۆنگ؛ بارسێلۆنا دەیەوێت لە مووچە بەرزەکەی رزگاری بێت (نزیکەی 400 هەزار یۆرۆ لە هەفتەیەکدا) تاوەکوو باری دارایی یانەکە جێگیر بکاتەوە.

• ئاندێریاس کریستێنسن؛ بەرگریکارەکەی پێشووی چێڵسی گرێبەستەکەی کۆتایی دێت و نوێکردنەوەی گرێبەستەکەی رەتکردووەوە.

• مارک کاسادۆ؛ یاریزانە لاوەکەی لاماسیا بەهۆی کەمیی خولەکەکانی یاریکردن و بوونی پێدری، گاڤی و ئێریک گارسیا، پێدەچێت یانەیەکی نوێ بدۆزێتەوە.