یاریگا –
ئیناکی پینیا، ئاسترالاگا و یاکۆ لە گۆڵپارێزی سەرەکییەوە بوونەتە یەدەک و پێناچێت لەم دۆخەدا لە تیمەکانی ئێستایان بمێننەوە.
کارگێڕیی بارسێلۆنا دەبێت بڕیار لەسەر پێگەی گۆڵپارێز و ئەو یاریزانانە بدات کە گرێبەستیان هەیە. ئەمە بۆ دیکۆ ئاسان نابێت، چونکە هەموویان هێشتا گرێبەستیان هەیە، هەروەها بیری لە کڕینی گۆڵپارێزێکی دیکە دەکردەوە و یاریزانە خواستراوەکانیش لە یانەکانیان لە سەرەکییەوە بوونەتە یەدەک. ئێستا ئیناکی پینیا، ئاسترالاگا و یاکۆ لەسەر کورسی یەدەکی یانەکانیانن.
لەم وەرزە فلیک پشت بە خوان گارسیای 24 ساڵ دەبەستێت وەکوو گۆڵپارێزی یەکەمی یانەکە، کە لە هاوینی 2025 گرێبەستی لەگەڵ واژۆ کراوە. یەدەکەکەی چیزنی 36 ساڵە کە تاوەکوو 2027 گرێبەستی هەیە، بەڵام لە داهاتووی دڵنیانییە. تێک دەزانێت کە رەنگە کاتەکەی لە بارسا بەرەو کۆتایی بچێت، بەڵام هێشتا هیچ بڕیارێکی کۆتایی نەدراوە.
هەروەها تێر شتیگنی 33 ساڵ هەیە، کە پێکانی هەیە و رەنگە رێگری لە چوونی بۆ مۆندیال بکات، یان لایەنی کەم زۆر قورسی دەکات. گرێبەستەکەی لەگەڵ بارسا تاوەکوو 2028 بەردەوامە. لەم وەرزەدا کۆچنی 20 ساڵ لە نێوان بارسا ئاتلێتیک و تیمی یەکەمدا هاتوچۆ دەکات، زۆرجار بانگهێشت دەکرێت بەڵام بەبێ ئەوەی هیچ یارییەک بکات.
دواتریش یاریزانە خواستراوەکان هەن، کە ئێستا رووبەڕووی کێشەیەکی چاوەڕواننەکراو بوونەتەوە. ئیناکی پینیای 27 ساڵ، کە تاوەکوو 2029 گرێبەستی هەیە، لە ئیڵچی لە گۆڵپارێزی سەرەکییەوە بووەتە یەدەک. ئەو ژمارە یەک بوو بە سەرپەرشتی راهێنەر ئیدێر سارابیا، بەڵام لە مانگی کانوونی دووەمدا پێگەکەی لەدەستدا. باجی ئاست خراپی تیمەکەیدا، لەگەڵ هەندێک هەڵەی تاکەکەسی کە وای لە راهێنەرەکە کرد گۆڵپارێزەکە بگۆڕێت.
لە هاویندا بارسا و گرانادا رێککەوتن لەسەر خواستنی ئاندێر ئاسترالاگای 22 تاوەکوو 30ـی حوزەیرانی 2026. دوو ساڵی دیکەی ئارەزوومەندانەی هەیە تاوەکوو 2028. گۆڵپارێزەکە بەردەوامییەکی زۆری نەبووە، بەشێکی بەهۆی کێشەی پاژنەی پێیەوە بوو کە لە یاریگاکان دووری خستەوە. دوای ماوەیەک بێ یاریکردن، بەهۆی ئامادەنەبوونی لوکا زیدانەوە گەڕایەوە، بەڵام ئەنجامەکان باش نەبوون و لە کۆتاییدا چووە سەر کورسی یەدەک. پێدەچێت لە کۆتایی وەرزدا گرانادا جێبهێڵێت.
ئارۆن یاکۆبیشڤیلیی 20 ساڵ گرێبەستەکەی تاوەکوو 2028 نوێکردەوە و بە خواستن تاوەکوو حوزەیرانی 2026 چووە ئاندۆرا. ئارۆن سەرەکی بوو تاوەکوو بڕیارێکی هونەری وای لێکرد پێگەکەی لەدەست بدات. وەرزەکەی بارسای قایلکردبوو کە بیریان لەوە دەکردەوە لە ئامادەکارییەکانی پێش وەرزدا بیهێننە ناو تیمی یەکەم.
