یاریگا –
روونی بەرداخچی، یاریزانی سویدی یانەی بارسێلۆنای ئیسپانی ناڕەزایەتی خۆی بەرامبەر كەمی بەشداریكردنی لە یارییەكانی یانەكەی دەربڕی.
بەرداخچی لە هاوینی 2025 لە ریزەكانی كۆپێنهاگن بە بەهای 2.5 ملیۆن یۆرۆ پەیوەندی بە بارسێلۆناوە كرد و تاوەكو هاوینی 2029 گرێبەستی لەگەڵ یانەكەی هەیە.
لەوكاتەوەی پەیوەندی بە بارسێلۆنا كردووە بەرداخچی بووەتە سێبەری لامین یامال و بەشداری یارییەكان ناكات.
🚨🥈| El #FCBarcelona ya recibe ofertas por Roony Bardghji, tanto de cesión como de traspaso, y deberá decidir pronto, probablemente antes de la Copa del Mundo. El AS Mónaco, el FC Porto y el VfB Stuttgart son los clubes más interesados hasta ahora. [@sport] pic.twitter.com/q6uUbuxZhY
— FCBInformatiu (@FCBInformatiu) April 17, 2026
بە گوێرەی زانیارییەكانی رۆژنامەی سپۆرت، یانەی یوڤێنتوسی ئیتاڵی گرنگی بە گواستنەوەی روونی بەرداخچی دەدات.
بەرداخچی لەم وەرزەدا لە هەموو پاڵەوانیەتیەكان 616 خولەک یاریی كردووە لە 23 یارییدا دوو گۆڵ و چوار ئەسیستی هەیە.
هەر بە گوێرەی هەمان سەرچاوە یاریزانە سویدیەكە لەلایەن مۆناكۆ، پۆرتۆ و ریال بێتیسەوە داواكراوە.
