یاریگا–
دوای گەڕانەوەی پشکنینەکان دەرکەوت کە ئێزکویل گارای بەرگریکاری ئارجێنتینایی یانەی ڤالێنسیای ئیسپانیا تووشی ڤایرۆسی کۆرۆنا بووە.
رۆژنامەی وەرزشی ئاسی ئیسپانی ئاشکرایکردووە بێجگە لە بەگریکارە ئارجێنتیناییەکە پێنج لە ئەندامان و یاریزانانی دیکەی ئەم یانەیە تووشی ڤایرۆسەکە بونە و سەرجەمیان لە ژێر چاودێری پزیشکیدان و ئەوانی دیکەش کەرەنتین کراون لە ماڵەکانی خۆیان و ناوە ناوەش پزیشکەکانی یانەکەیان پەیوەندیان پێوە دەکەن.
ئێزکویل گارای بەرگریکاری شەمشەمە کوێرەکان یەکەم یاریزانە لە لالیگا تووشی ڤایرۆسی کۆرۆنا دەبێت.
