پێش یاریی ریال مەدرید دوو یاریزانی ئارسیناڵ گەڕانەوە راهێنانەکانی یانەکە

یاریگا –

پێش یارییەکەی ریال مەدرید دوو یاریزانی ئارسیناڵ گەڕانەوە راهێنانەکانی یانەکە و بۆ یارییەکەی سبەی ئامادەن.

هەریەکە لە تۆماس پارتی و بێن وایت بەشداریی راهێنانەکانی ئەمڕۆی ئارسیناڵیان کرد، کە گەنەرز پێش ئەوەی بەرەو مەدرید گەشت بکات دوایین مەشق و راهێنانی لە لەندەن دەکات.

Thomas Partey ✅
Ben White ✅
Riccardo Calafiori ❌

Arsenal train ahead of their Champions League quarter-final second leg against Real Madrid ⚪️ pic.twitter.com/cZAo7Qv4XV

— Sky Sports News (@SkySportsNews) April 15, 2025

تۆماس پارتی ناوەڕاستکاری گانایی لە یاریی رابردووی یانەکەی بەرامبەر برێنتفۆرد تووشی پێکان بوو، نەیتوانی یارییەکە تەواو بکات و لە خولەکی 69 یاریگای بەجێهێشت، بێن وایتیش لەو یارییە بانگهێشت نەکرابوو، لە یانەکەی دابڕابوو.

ریکاردۆ کالافیرۆی، گابریێل ماگالیش، گابریێل خیسوس و کای هاڤێرتز بەهۆی پێکانەوە لە گەنەرز دابڕاون و بۆ یارییەکەی سبەی بەردەست نابن، کە ئارسیناڵ لە یاریی چوونی قۆناخی چارەکی کۆتایی چامپیۆنزلیگ 3-0 لە مێرەنگی بردەوە.

Gearing up 💪 pic.twitter.com/aN89bGZ6Ts

— Arsenal (@Arsenal) April 15, 2025