هەندرێن پێکهاتەی مانگی رابردووی خولی نایابی کوردستانی داگیرکردووە

یاریگا –

پێکهاتەی باشترینەکانی مانگی ئاداری خولی نایابی کوردستان ئاشکرا کرا و زۆرترین یاریزانی هەندرێنی تێدایە.

گەیلان سادق گۆڵپارێزی هەندرێن بە چوار کلین شیت لە مانگی رابردوو گۆڵپارێزی پێکهاتەکە دەکات، ئەزهەر فەتاح لە سیروانی نوێ و رێباز ئیسماعیل لە چوارقوڕنە و سەفا حوسامەدین لە هەندرێن و عائید ئەنوەر لە ئاکرێ لە هێلی بەرگری پێکهاتەکەدان، بیلال ساڵح بۆ چوارەم جار لەم وەرزە لە هێلی ناوەراستی پێکهاتەکە دەبینرێت، فرانسیس دادزی غانی و هێرشبەری پێشمەرگەی هەولێریش بە تۆمارکردنی شەش گۆڵ رابەرایەتی هێلی هێرشبەری پێکهاتەکە دەکات.

هەریەک لە گۆڵپارێز و سەفا حوسامەدین و هێمن نازم و سلێمان دەروێش یاریزانانی هەندرێن لە پێکهاتەی باشترینەکانن، هەندرێن لە مانگی رابردوو لە کۆی چوار یاریی چوار سەرکەوتنی بەدەست هێنابوو هیچ گۆڵەکیشی لێ تۆمار نەکرابوو، دڵشاد مەعروف راهێنەری هەندرێن سەرپەرشتی پێکهاتەکە دەکات.

پێکهاتەی باشترینەکانی مانگی ئادار