
یاریگا –
پێش گەشتەکەی بۆ کوەیت بە مەبەستی یاریی کۆتایی خولی یانە پاڵەوانەکانی کەنداو دهۆک بەرامبەر زەوڕا یاریی دەکات.
پێنج شەممە ( 3ـی نیسانی 2025 ) دهۆک لە دەرەوەی یاریگای خۆی لە گەڕی 26ـی خولی ئەستێرەکانی عێراق رووبەرووی زەوڕا دەبێتەوە،بریار بوو یارییەکە کاتتژمێر 9:30ـی شەو بەرێوەبچێت، بەڵام لە راگەیەنراوێکدا یەکێتی تۆپی پێی عێراق وەک هاوکارییەک بۆ دهۆک یارییەکەی پێشخست و کاتژمێر 6:30ـی ئێوارە دەکرێت، سیابەند عەگید و محەمەد سەعید بەهۆی پێکانەوە یاریی بۆ دهۆک ناکەن، عەلی یوسف هێرشبەری هەڵبژاردەی عێراق و زەوڕاش بۆ یارییەکە ئامادە نابێت.
زەوڕا و دهۆک 24 یاریی فەرمیان بەرامبەر یەکتر کردووە، زەوڕا 10 یاریی سەرکەوتنی بەدەست هێناوە و دهۆکیش لە پێنج یارییدا براوە بووە و لە نۆ یارییشدا یەکسان بوونە، زەوڕا 31 گۆڵی تۆمار کردووە و دهۆک 23 گۆڵی کردووە، دوو جاریش لە جامی عێراق زەوڕا براوە بووە و دهۆکی لە پاڵەوانێتیەکە دوورخستۆتەوە.
بە شێوەیەکی کاتی زەوڕا لە ریزبەندی یەکەمی خولەکەیە بە 52 خاڵ لە کۆی 25 یاریی و شوڕتە 50 خاڵی هەیە لە 23 یارییدا لە ریزبەندی دووەمە، دهۆک لە 20 یاریی 37 خاڵی هەیە و لە ریزبەندی حەفتەمی خولی ئەستێرەکانی عێراق دێت.