چێڵسی نرخی ئێنکونکو دیاری دەکات
یاریگا –
چێڵسی نرخی کریستۆفەر ئێنکونکوی فەڕەنسی دیاری دەکات.
رۆژنامەی تێلێگرف بڵاویکردووەتەوە، چێڵسی ئامادەیە لەم زستانە بەبڕی 65 ملیۆن پاوەند دەستبەرداری کریستۆفەر ئێنکونکوی هێرشبەری 27 ساڵان ببێت.
پاریس سانجێرمان بەبڕی 70 ملیۆن یۆرۆ گرێبەستی خڤیچا کڤاراتسخێلیای ئەستێرەی ناپۆلی یەکلایی کردووەتەوە، چێڵسی لەوبڕوایەدایە ئێنکوکو هەمان بەهای کڤارای هەیە و لەو نرخە کەمتر دەستبەرداری نابن.
Chelsea want £65m for Bayern Munich target Christopher Nkunku
✍️ @Matt_Law_DT #TelegraphFootball #CFC #BayernMunich https://t.co/1BKwPE6v4t pic.twitter.com/lPtZNPXSYj
— Telegraph Football (@TeleFootball) January 14, 2025
بایرن میونشنی ئەڵمانی هەوڵەکانی بۆ گواستنەوەی یاریزانە فەڕەنسییەکە دەستپێکردووە. بەڵام دیار نییە ئامادەن ئەو بڕە پارە بۆ گواستنەوەی خەرج بکەن یاخود نا.
هاوکات چێڵسی لەسەر داوای ئێنزۆ مارێسکا، راهێنەری تیمەکەی هەوڵەکانی بۆ گواستنەوەی ماتیس تێل دەستپێکردووە.
ئێنکونکو لەم وەرزەدا تەنیا سێ یاریی لە پرێمەرلیگ کردووە، بەڵام لەسەر ئاستی سەرجەم پاڵەوانیەتییەکاندا، ئێنکونکو خاوەنی 13 گۆڵە و گۆڵکاری دووەمی یانەکەیە لە دوای کۆڵ پاڵمەر.
هەموو شتێک بزانە؛ چێڵسی و میونشن خەریکی گۆڕینەوەی دوو ئەستێرەن
