مانچێستەر یونایتد لەگەڵ لاوێکی لاتینی گەشتە رێککەوتن
هەموو بەڵگەنامە فەرمیەکان واژۆکراوە
یاریگا –
یانەی مانچێستەر یونایتد سەرکەوتووبوو لە گەشتن بە رێککەوتن لەگەڵ ئەستێرەیەکی دەرکەوتووی لاتینی.
یانە ئینگلیزیەکە بە سەرپەرشتی روبن ئامۆریم خۆی بۆ نوێبوونەوە ئامادەدەکات و چاوی لە بەڕێکردنی نیوەی زیاتری پێکهاتەکەیەتی و بۆ جێکردنەوە بۆ هێنانی یاریزانی دڵخوازی ئامۆریم.
بەگوێرەی زانیارییەکانی فابرزۆ رۆمانۆ، مان یونایتد توانیویەتی دیێگۆ لیۆنی پاراگوایی رازی بکات تا 2025 بە فەرمی رووبکاتە ئۆڵدترافۆرد.
ئەو رۆژنامەنووسە ئاشکراشی کردووە لیۆنی تەمەن 17 ساڵانە کە لە پێگەی بەرگری چەپ و باڵی چەپ یاریی دەکات، هەموو بەڵگەنامەکانی گواستنەوەی واژۆکردووە و هاوینی 2025 کاتێک تەمەنی دەگاتە 18 ساڵی دەبێتە یاریزانی مان یونایتد.
لە درێژەی زانیارییەکانی ئەو رۆژنامەنووسە ئیتاڵیەشدا هاتووە کە یانە ئینگلیزیەکە لە بەرامبەر دەستخستنی تواناکانی لیۆن، بڕی 4 ملیۆن دۆلار لەگەڵ ملیۆنێکی دیکەی گۆڕانکارییەکان دەدەن بە سێرۆ پۆرتێنۆی یانەی ئێستای لاوە پاراگواییەکە.
🚨 Diego León has signed all documents to join Manchester United in 2025. 🇵🇾
Contracts in place for 17 year old left back to become Man United player from July 2025, when he turns 18.
Deal sealed by Jason Wilcox after South America lead scout Giuseppe Antonaccio pushed for León… pic.twitter.com/9Ye6dJ5aBR
— Fabrizio Romano (@FabrizioRomano) December 20, 2024
