یاریگا –
ئێریک ماکسیمەم چۆپۆمۆتینگ لە کۆتاییدا یانەیەکی بۆ خۆی دۆزیەوە دوای چەند مانگێک لە بازاڕدا مانەوەی وەک یاریزانێکی ئازاد.
هێرشبەرە کامیرۆنیەکە لە مانگی مایۆ/ئایاری ئەم ساڵ بایرن میونشین بەیەکجاریی جێهێشت دوای بەسەربردنی نزیکەی 4 ساڵ لەگە باڤارییەکان.
بەپێی راگەیاندنێکی فەرمی یانەی نیویۆرک رێد بۆڵزی ئەمریکی، یاریزانە 35 ساڵانەکە پەیوەندی بە یانەکەیانەوە کردووە.
— New York Red Bulls (@NewYorkRedBulls) December 18, 2024
بەگوێرەی راگەیەندراوی فەرمی یانە ئەمریکیەکە، گرێبەستی چۆپۆمۆتینگ تا ساڵی 2026 دەبێت لەگەڵ ئەگەری درێژکردنەوەی تا ساڵی 2027.
دیارترین ئەو یانانەی ئێریک پێش بایرن یاری بۆ کردوون، هامبۆرگ و ماینز و شاڵکەی ئەڵمانی، ستۆک سیتی ئینگلیزی و پاریس سان جێرمانی فەڕەنسین.
