گۆڵپارێزەکەی پاریس سانجێرمان بیر لە جێهێشتنی یانەکە دەکاتەوە
یاریگا –
جیانلویجی دۆنارۆمای گۆڵپارێزی پاریس سانجێرمان، بەهۆی ئەو ماوەیەی کە لەسەر کورسی یەدەگ بووە، دەیەوێت ئەم هاوینە پاریس جێبهێڵێت.
دۆنارۆما گۆڵپارێزی هەڵبژاردەی ئیتاڵیا، متمانەی خۆی لەدەست داوە و لویس ئێنریکێی راهێنەر بڕیاریداوە وەکوو گۆڵپارێزی دووەم لەسەر کورسی یەدەگ دابنیشێت. ئەم بابەتەش بووەتە هۆی دڵگران بوونی گۆڵپارێزەکە و دەیهەوێت لەم هاوینەدا لە یانەکەی ناسر خڵێفی جیا ببێتەوە.
رۆژنامەی لیکیپی فەرەنسی ئاماژەی بەوە کردووە کە هیچ کام لە لایەنەکان ئامادە نەبوون گرێبەستلە کۆتایی ئەم وەرزەدا درێژ بکەنەوە و ئەم گۆڵپارێزە لە ئێستاوە بیر لە رۆشتن لە هاوینی 2025 دەکاتەوە. هەروەها رۆژنامەکە ئاماژەی بەوەش کردووە کە ئەگەری گەڕانەوەی دۆنارۆما بۆ سێریا ئەی، زیاترە لە خولەکانی دیکە.
🚨 Gianluigi Donnarumma 🇮🇹 se dit prêt à 𝗲́𝗰𝗼𝘂𝘁𝗲𝗿 𝗹𝗲𝘀 𝗼𝗳𝗳𝗿𝗲𝘀 d’autres clubs 👀
Il n’y en a toutefois aucune ❌
(@RomainMolina) pic.twitter.com/kdysyYJCdb
— Actu Foutre (@ActuFoutreOff) November 29, 2024
دۆنارۆما لەم وەرزەدا لە یازدە یاری لەگەڵ پاریس سانجێرمان لە سەرجەم پاڵەوانێتییەکان بەشداری کردووە، بەڵام لە پێنج یاریی رابردوودا شوێنگرەوەی سافۆنۆڤی رووسی بووە.
دۆنارۆمای تەمەن 25 ساڵ لە هاوینی 2021 لە هەمان کاتدا لەگەڵ لیۆنێل مێسی پەیوەندی بە پاریس سانجێرمان کرد و لەم سێ ساڵەدا 88 جار لەگەڵ پاریس سانجێرمان لە لیگ وەن یاری کردووە.
