یاریگا –
تۆماس مۆلەری ئەڵمانی باس لە چارەنووسی کاروانی وەرزشی لەگەڵ بایرن میونشن دەکات.
شەوی رابردوو لە یارییەکانی گەڕی دووەمی بۆندسلیگا، بایرن میونشن لە یاریگای ئالیانز ئارێنا میوانداری فرایبورگی کرد و یارییەکەی 2-0 بردەوە، هاری کەین و تۆماس مۆلەر لە خولەکەکانی 38 و 78 گۆڵەکانیان کرد.
دوای یارییەکە تۆماس مۆلەر لە لێدوانێکی بۆ تۆڕی سکای ئەڵمانیا ئاشکرایکرد هەست بە پیربوون و شەکەتبوون دەکات بەڵام دەیەوێت لە یاریکردن بەردەوامبێت.
710 Spiele – was für ein 𝐇𝐈𝐒𝐓𝐎𝐑𝐈𝐒𝐂𝐇𝐄𝐑 Moment in der FC Bayern-Geschichte! ❤️🤍
In diesem Moment ist @esmuellert_ unser 𝐑𝐄𝐊𝐎𝐑𝐃𝐒𝐏𝐈𝐄𝐋𝐄𝐑!
Thomas, du LEGENDE! 🥹🥹🥹 pic.twitter.com/WdGhQL3j6L
— FC Bayern München (@FCBayern) September 1, 2024
داهاتووم لەگەڵ بایرن؟ با بزانین چی روودەدات، جەستەم پیر دەبێت و لەدژی دەجەنگم!
بڕیاری مانەوەم بەمن یاخود ماوەی گرێبەستەکە پەیوەست نییە، هەموو شتێک ئاسانە، تەنیا هەوڵدەدەم بۆ راهێنەری بسەلمێنم منیش بژاردەیەکم دەتوانم لە پێکهاتەی سەرەکی هاوکاری تیپەکەم بکەم.
مۆلەر لە هاوینی 2009 تا ئێستا یاریی بۆ تیپی یەکەمی بایرن میونشن دەکات. لە سەرجەم پاڵەوانێتییەکان بەشداری 710 یاریی کردووە، 245 گۆڵی کردووە و 269 گۆڵی دروستکردووە.
12 نازناوی بۆندسلیگا، دوو نازناوی چامپیۆنزلیگ، دوو نازناوی جامی جیهانی یانەکان، دوو نازناوی جامی سوپەری ئەوروپا، شەش نازناوی جامی ئەڵمانیا و هەشت نازناوی جامی سوپەری ئەڵمانیای لەگەڵ یانە باڤارییەکە بەدەستهێناوە.
📢 @esmuellert_, du 𝙇𝙀𝙂𝙀𝙉𝘿𝙀! 📢 #MiaSanMia pic.twitter.com/qZoIjUoiIR
— FC Bayern München (@FCBayern) September 1, 2024
