یاریگا–
ماوریسیۆ ساری، راهێنەری یانەی یۆڤێنتوسی ئیتاڵیا دوای دۆڕانەکەی بەرامبەر لازیۆ رەخنەی زۆری لێدەگیرێت، بەڵام سەرۆکی یانەکەی پێچەوانە بیر دەکاتەوە.
لە چاوپێکەوتنێکدا لەگەڵ گازێتا دێلۆ سپۆرت ئانیلی سەرۆکی بیانکۆنێری دەڵێت ” راستە بەرامبەر لازیۆ دۆڕاوین و نەمانتوانی پێشەنگایەتی وەربگرینەوە، بەڵام ئەوە مانای ئەوە ناگەینێت هەموو شتێک کۆتایی هاتووە، ئێمە بە هەموو شێوەیەک لەگەڵ راهێنەرەکەمانین و دڵنیاشین کە دەتوانێت ئەنجامی باشتر بەدەست بێنێت “.
یوڤێنتوس لە دوو یاری رابردووی بەرامبەر ساسۆلۆ و لازیۆ یەکسانبونێک و دۆڕانێکی تۆمار کردووە و بە جیاوازی دوو خاڵ لە ریزبەندی سێریائەی لە دوای ئینتەر میلانی پێشەنگ دێت.
