مانوێل نۆیەر واز لە یاری نێودەوڵەتی دەهێنێت

یاریگا –

مانوێل نۆیەر گۆڵپارێزی هەڵبژاردەی ئەڵمانیا بەفەرمی وازهێنانی لە یاریی نیودەوڵەتی راگەیاند.

مانوێل نۆیەر دوای 15 ساڵ یاریکردن بە درێسی هەڵبژاردەی ئەڵمانیا بڕیاریدا بەیەکجاریی واز لە یاریی نێودەوڵەتی بهێنێت و چیدیکە درێسی مانشافت ناپۆشێتەوە، کە لەگەڵ هەڵبژاردەکەی جامی جیهانی بەدەستهێنا و 124 یاریی نێودەوڵەتیشی بۆ هەڵبژاردەکەی کرد.

 

View this post on Instagram

 

A post shared by Manuel Neuer (@manuelneuer)

نۆیەر لە هەژماری خۆی لە ئینستاگرام بە پەیامێکی ڤیدیۆیی بڕیاری وازهێنانی لە یاریی نێودەوڵەتی راگەیاندووە و دەڵێت :’هەموو ئەو کەسانەی دەمناسن دەزانن ئەم بڕیارەم هەروا ئاسان نەبووە، 15 ساڵ بەسەر یەکەم دەرکەوتنم بە درێسی ئەڵمانیا تێپەڕی و نزیکەی 7 ساڵ کاپتنی هەڵبژاردەکەم بوو، کاتێک ئاوڕێک لە رابردوو دەدەمەوە شانازیی بەوە دەکەم لە ئەرجەنتینمان بردەوە و لە یاریگای ماراکانا جامی جیهانیمان بەدەستهێنا’.

نۆیەر (38 ساڵان) کە لە جامی نەتەوەکانی ئەوروپای 2024 لەگەڵ هەڵبژاردەی ئەڵمانیا بەشداریی کرد، لەوەتەی ساڵی 2009 لە ریزی هەڵبژاردەکەی یاریی دەکرد و جامی جیهانی 2014 لەگەڵ ئەڵمانیا بەدەستهێنا.