بەفەرمی دانی ئۆلمۆ پەیوەندی بە بارسێلۆنا کرد
یەکەم گرێبەستی هاوینە
یاریگا –
بەشێوەیەکی فەرمی دانی ئۆلمۆ پەیوەندی بە یانەی بارسێلۆنا کرد و گرێبەستەکەی واژۆ کرد.
ماڵپەڕی بارسێلۆنا بڵاویکردووەتەوە، بەفەرمی هێرشبەری پێشووی یانەی لایپزیگ، دانی ئۆلمۆ گرێبەستێکی شەش وەرزەی لەگەڵ بارسێلۆنا واژۆ کردووە و ئێستا یاریزانێکی نوێی یانە کاتالۆنییەکەیە.
Hola, Barcelona pic.twitter.com/U02ACRRheT
— FC Barcelona (@FCBarcelona_cat) August 9, 2024
بارسێلۆنا تاوەکو ساڵی 2030 گرێبەست لەگەڵ ئۆلمۆ واژۆ دەکات، لەبەرامەر گواستنەوەی یاریزانەکە 55 ملیۆن یۆرۆ بە یانە ئەڵمانییەکە دەدا، بەگوێرەی ئاست و دەستکەوتەکانیشی دەکرێت 7 ملیۆن یۆرۆی دیکە بچێتە سەر نرخی گرێبەستەکەی.
هێرشبەرە تەمەن 25 ساڵانییەکە لە هاوینی 2020 بە بڕی 29 ملیۆن یۆرۆ لە دینامۆ زەگرابەوە پەیوەندی بە لایپزیگ کرد، بە درێسی ئەو یانەیە 148 یاری کردووە، 29 گۆڵی کردووە و 34 گۆڵیشی دروستکردووە.
دوو نازناوی جامی ئەڵمانیا و نازناوێکی جامی سوپەری ئەڵمانیاشی لەگەڵ لایپزیگ بەدەستهێناوە.
ئۆلمۆ لە 2007 تا 2014 یاریی بۆ ئەکادیمیای بارسێلۆنا و تیپی ژێر 16 ساڵان و ژێر 18 ساڵانی یانە کاتالۆنییەکە کردووە.
Dani Olmo, culer until 2030. 💙❤️ pic.twitter.com/wCWUZprjiz
— FC Barcelona (@FCBarcelona) August 9, 2024
