بۆچی ئه‌و تۆپه‌ی به‌رده‌ستی کوکوریا كه‌وت نه‌بووه لێدانی سزا؟
یاریگا –
رووبەڕووبوونەوەی هەڵبژاردەی ئەڵمانیا ئیسپانیا، لە قۆناخی چارەکی کۆتایی یۆرۆ 2024، كه لە بەرژەوەندی لارۆخا کۆتایی هات، حاله‌تێكی تۆپ به‌رده‌ستكه‌وتن مشتومڕێکی زۆری لێکەوتەوە.
لە كاتی زیادكراو لە خولەکی 106، جەمال موسیالای یاریزانی هه‌ڵبژارده‌ی ئەڵمانیا تۆپێکی لە دەرەوەی ناوچەی سزا ئاراسته‌ی گۆڵی هه‌ڵبژارده‌ی ئیسپانیا كرد، تۆپه‌كه له‌ناوچه‌ی سزا بەر دەستی مارک کوکوریای بەرگریکاری ئیسپانیا كه‌وت، بەڵام ناوبژیوانی یارییەکە ئەنتۆنی تایلۆری ئینگلیزی نه‌یكرده لێدانی سزا، نه‌گه‌رایه‌وه بۆ ڤار و ئاماژه‌ی به به‌رده‌وامی یارییه‌كه كرد.
ئه‌م حاله‌ته مشتومری زۆری به‌دوای خۆیدا هێنا، یاریزانان و راهێنه‌ری هه‌ڵبژارده‌ی ئه‌ڵمانیا له دوایی یارییه‌كه ره‌خنه‌ی زۆریان ئاراسته‌ی ناوبژیوانی یارییه‌كه كرد و هانده‌رانیش به‌هه‌مان شێوه ده‌ڵێن، ناوبژیوان زوڵمێكی گه‌وره له ئێمه كرد.
🚨🚨🚨
لمسة يد على كوكوريلا لكن الحكم يقرر باستمرار اللعبالحكم لا يحتسب ركلة جزاء لـ ألمانيا .
🤔🤔🤔🤔🤔🤔🤔🤔🤔🤔🤔🤔🤔 pic.twitter.com/qbq2swbJ1I
— Amjad Abubkr (@AmjadAbubkr) July 5, 2024
مشتومه‌ركه دوای ئه‌وه‌هات كه له یاریی دانیمارك و ئه‌ڵمانیا به‌هه‌مان شێوه تۆپ به‌رده‌ستی یواكیم ئیندرسنی یاریزانی هه‌ڵبژارده‌ی دانیمارك كه‌وت و ناوبژیوان لێدانی سزای هه‌ژماركرد، به‌ڵام ئه‌و تۆپه‌ی به‌رده‌ستی كوكوریا كه‌وت زۆر روونتربوو به‌ڵام نه‌یكرده لێدانی سزا.
هه‌ردوو تۆڕی ئه‌تله‌تیك و ESPN ئاماژه‌یان به‌وه‌كردووه، پێش یارییه‌كانی یۆرۆ، یوێفا له‌گه‌ڵ نوێنه‌ری هه‌ڵبژارده‌كان كۆبووه‌ته‌وه و پێی راگه‌یاندوون، گۆرانكاری له یاسای تۆپ به‌رده‌ست كه‌وتن كراوه به‌شێوه‌یه‌ك، ئه‌گه‌ر یاریزان ده‌ستی له ناوه‌راست و بۆ سه‌ره‌وه بێت، به‌شێوه‌یه‌كی ناسروشتی ده‌ستی له جه‌سته‌ی دووربكه‌وێته‌وه لێدانی سزایه، به‌ڵام ئه‌گه‌ر یاریزانه‌كه ده‌ستی له ناوه‌رست و بۆ خواره‌وه بێت و ئاراسته‌ی چاوی له تۆپه‌كه نه‌بێت لێدانی سزا نیه.
Good call by Anthony Taylor not to award handball against Marc Cucurella. Looks more obvious than the one given vs. Joachim Andersen. But UEFA guidance advises not to award handball because Cucurella’s arm is down, vertical and not judged to be making his body unnaturally bigger. pic.twitter.com/KLGOEFqm3i
— Ben Jacobs (@JacobsBen) July 5, 2024
به گوێره‌ی هه‌ردوو تۆڕه‌كه بێت ئه‌و تۆپه‌ی به‌ده‌ستی ئیركسن كه‌وت یاریزانه‌كه ده‌ستی بۆ سه‌ره‌وه بووه بۆیه لێدانی سزابووه، به‌ڵام ئه‌وه‌ی كوكوریا ده‌ستی بۆ خواره‌وه بووه ئاراسته‌ی چاویشی به‌ره‌و تۆپه‌كه نه‌بووه، بۆیه لێدانی سزا هه‌ژمار نه‌كراوه.
Good call by Anthony Taylor not to award handball against Marc Cucurella. Looks more obvious than the one given vs. Joachim Andersen. But UEFA guidance advises not to award handball because Cucurella’s arm is down, vertical and not judged to be making his body unnaturally bigger. pic.twitter.com/KLGOEFqm3i
— Ben Jacobs (@JacobsBen) July 5, 2024
بەگوێرەی رێساکانی یوێفا بۆ یۆرۆی 2024، بۆ هەژمارکردنی لێدانی سزا، دەبێ دەست و بازووی یاریزان ناسرووشتی و ئاستەنگی روون دروست بکات، ئەگەر بازووی یاریزان لە لایەکی نزیک بێت، رووی دەستی لە خوارەوە یاخود ئاسۆیی بوو یان شوێنی دەستی لە دواوەی هێڵی جەستە بێت لێدانی سزا هه‌ژمار ناكرێت.
