یاریگا –
ریاز مەحرز، ئەستێرەی ئەهلی سعودی ئامادەکاری بۆ ئاهەنگێکی ئەفسانەیی هاوسەرگیری دەکات.
مەحرز هاوسەرگیری لەگەڵ تایلەر وارد، ئینفلوێنسەری بەریتانی دەکات و سەدان کەسایەتی و سەرمایەدار بانگهێشتی ئاهەنگەکە دەکرێن.
رۆژنامەی خەبەری جەزائیری بڵاویکردووەتەوە، بڕیارە ئاهەنگەکە لە سەرەتای مانگی داهاتوو لە دوورگەیەکی ئیتاڵیا بکرێت.
ئەمە سێیەمجارە مەحرز ئاهەنگ لەگەڵ کچە شۆخ شەنگە بەریتانییەکە دەکات، یەکەمجارە کاتێک خوازبێنی راگەیاند و ئاهەنگێکی گەورەی لە یۆنیۆ/حوزەیرانی ساڵی 2021 لە دوورگەیەکی یۆنان کرد.
مەحرز لە هاوینی رابردوودا لە مانچێستەر سیتییەوە پەیوەندی بە ئەهلی کرد و لەگەڵ یانە سعودییەکە بەشداری لە خولی یانە پاڵەوانەکانی ئاسیا دەکات.
