ئێرلینگ هالاند مانچێستەر سیتی جێدەهێڵێت؟
یاریگا –
ئێرلینگ هالاندی نەرویجی لە ریزەکانی مانچێستەر سیتی ئینگلیزی دەمێنێتەوە.
رافایێلا پیمێنتای بریکارەی کارەکانی ئێرلینگ هالاند، لە نوێترین لێدوانی ئاشکرایکرد؛ هالاند نیازی جێهێشتنی یانەکەی نییە و بەرێژەی سەدا هەزار لە مانچێستەر سیتی دەمێنێتەوە.
ئەمڕۆ لە شتێک دڵنیام، هالاند لە مانچێستەر سیتی وا هەست دەکات لە ماڵەکەی خۆیەتی، لە سەدا هەزار لە یانەکەی دەمێنێتەوە و بەپەرۆشەوە چاوەڕوانی دەستپێکی وەرزی نوێ دەکات.
Erling Haaland’s agent, Rafaela Pimenta: “One thing is certain today: Erling Haaland feels at home at #ManCity! He is one thousand per cent committed to the City project and is already looking forward to the new season with the club!” 💯 pic.twitter.com/hJitYj5KGp
— City Report (@cityreport_) June 13, 2024
لێدوانەکانی رافایێلا پاش ئەوە دێت بەردەوام ناوی گۆڵکارە نەرویجییەکە بە چەند یانەیەک دەبەسترێتەوە، لە گرنگترینیان یانەکانی ریال مەدرید و بارسێلۆنان.
بەڵام ئێرلینگ تا هاوینی 2027 گرێبەستی لەگەڵ بلوو موون هەیە، بەپێی قسەی بریکاری کارەکانی، یاریزانەکە بە گرێبەستەکەی پابەند دەبێت.
هالاند لە هاوینی ساڵی 2023 لە بۆڕووسیا دۆرتموندەوە پەیوەندی بە مانچێستەر سیتی کرد. لە ماوەی دوو وەرزی رابردوودا 66 یاری لە پرێمەرلیگدا کردووە، خاوەنی 63 گۆڵ و 13 ئەسیستە.
هالاند دوو جار خەڵاتی گۆڵکاری پرێمەرلیگی وەرگرت، لە وەرزی 2022/23 خەڵاتی باشترین یاریزانی وەرز و باشترین یاریزانی لاوی پرێمەرلیگی وەرگرت.
