ستێرلینگ لە هەڵبژاردەی ئینگلتەرا دوورخرایەوە لەسەر یاریزانێکی لیڤەرپوول
رەحیم ستێرلینگ سزادرا و لە هەڵبژاردەی ئینگلتەرا دوورخرایەوە پاش پێکدادان لەگەڵ جۆڵ گۆمێزی بەرگریکاری لیڤەرپوول.
لە کەمپی مەشقەکانی هەڵبژاردەی ئینگلتەرا گۆمێزی بەرگریکار و ستێرلینگی ئەستێرەی تیمەکە گرژی و قسەی ناشرین کەوتۆتەوە نێوانیان. بەهۆیەوە بڕیاردرا ستێرلینگ دووربخرێتەوە و لە یارییەکەی بەرامبەر مۆنتینیگرۆ لە پاڵاوتنەکانی یۆرۆ بەشدارنابێت.
ناوبراو لە ئینستاگرام روونکردنەوەیدا و تێیدا هاتووە “رووداوەکە تەنها چەند چرکەیەکی خایاند و کۆنترۆڵم لەدەستدا ، هەردووکمان چەند قسەیەک کەوتە نێوانمان بەڵام ئێستا پەیوەندیمان باشە و کۆتایی هاتووە”.
ساوزگەیتی راهێنەری ئینگلتەراش ئاشکرایکرد هۆکارەکەی ئەنجامی یاری نێوان مانچێستەر سیتی و لیڤەرپوول بووە،.
لە گرنگترین یاری ئەم هەفتەیەدا لیڤەرپوول توانی شكست بە ستێرلینگ و مان سیتی بهێنێت لە پریمەلریگ بەوەش هەنگاوێکی گرنگی بەرەو ناسناوەکە بڕی . لەو یارییەشدا گرژی کەوتبووە نێوان ئەو دوو یاریزانە ئینگلیزییە.
