یاریگا –
ئێریک تێن هاخ، خەریکی ریکۆردێکی نەرێنی مێژوویی بۆ مانچێستەر یونایتد تۆمار دەکات.
مانچێستەر یونایتد لە پرێمەرلیگ بە ئەنجامی 2-2 بە بۆرنمس یەکسانبوو و بەم ئەنجامە دابەزییە پلەی حەوتەمی ریزبەندی و ئەمەش خراپترین ریکۆردی مان یونایتدە لە مێژووی پرێمەرلیگدا.
لە دوای یارییەکە رەخنەی زۆر لە ئێریک تێن هاخ، گیرا و تەنانەت لە کاتی ئاراستەکردنی پرسیاری خراپترین ریکۆردی مێژوویی یانەکە لە پرێمەرلیگ، پرێس کۆنفرانسەکەی جێهێشت.
کۆمێنت نادەم، ئەم پرسیارە وەرناگرم و گرنگ نییە.
Erik ten Hag walks out of his press conference when asked about Manchester United’s worst Premier League finish in history#manutd #mufc #eriktenhag
Full press conference: https://t.co/A5IZrXa4J4 pic.twitter.com/O72bACqzFx
— BeanymanSports (@BeanymanSports) April 13, 2024
لەوەتەی دەستپێکردنی وەشانی نوێی پرێمەرلیگ لە وەرزی 1992-1993 مانچێستەر یونایتد تەنیا پێنج جار لە چوار یانەکەی پێشەوە نەبووە، لە وەرزی 2013-2014 لەژێر سەرپەرشتی دەیڤد مۆیس، پلەی حەوتەمی بەدەستهێنا و لەم وەرزەدا، ئەگەری شکاندنی ریکۆردەکەی مۆیس لە ئارادایە.
ئێستا تێن هاخ سەرنجی تەواوی لەسەر یاری داهاتووی تیمەکەی بەرامبەر کۆڤێنتری سیتی لە قۆناخی پێشکۆتایی جامی FA دادەنێت.
