مۆرینیۆ رۆژی لەدایکبوونی 100 ساڵەی هاندەرێکی چێڵسی پیرۆز دەکات
ئاڵف دێرینترین هاندەری چێڵسییە
یاریگا –
جۆسێ مۆرینیۆ وەک جاران ‘سپێشەڵ وەن’-ە و پیرۆزبایی یادی لە دایکبوونی هاندەرێکی دێرینی چێڵسی دەکات.
راهێنەرە پۆرتوگالییەکە کاریگەرییەکی گەورەی لەسەر چێڵسی هەیە، چونکە لە دوو ماوەی جیاوازدا راهێنەرایەتی یانە لەندەنییەکەی کردووە، بۆیە پەیوەندییەکی باشی لەگەڵ هاندەران هەیە.
شەممەی پێشوو یادی لەدایکبوونی 100 ساڵەی ئاڵف وێڵس، دێرینترین هاندەری چێڵسی بوو، مۆرینیۆش لە یادی نەکرد و پیرۆزبایی یادی لەدایکبوونی لێکرد.
سپێشەڵ وەن سێ پرێمەرلیگ، سێ جامی خول و جامی FA لەگەڵ چێڵسی بردووەتەوە. هەروەها مۆرینیۆ دڵخوازترین راهێنەری ئاڵف وێڵسە. مۆرینیۆ لەبارەی دێرینترین هاندەری بلووز دەڵێت
ئاڵف، شەڕەفێکی گەورەیە یادی لەدایکبوونت پیرۆز بکەم. بەڕاستی شتێکی زۆر سەرنجڕاکێشە بەمشێوەیە تێکەڵی تۆپی پێ بووبیت. خۆشەویستیت بۆ یانەکە شتێکی گەورەیە. رێزێکی زۆرم بۆت هەیە.
Lifelong Chelsea supporter Alf Wells celebrated his 100th birthday in style as he received a very special message from his favourite manager 🥺⭐ pic.twitter.com/dR2boZ6KRS
— Sky Sports Premier League (@SkySportsPL) April 1, 2024
ئاڵف لە ناوچێی نیوبێری، بێرکاشایەر دەژیت و چێڵسی لە رۆژی لەدایکبوونیدا، بلیتێکی بزنسی بۆ ئاڵف بڕی و ئامادەی یارییەکەی بێرنلی بوو.
