یاریگا –
یانەی ئینتەر میلان کەوتووەتە خۆی بۆ قۆستنەوەی دۆخی یاریزانێکی بایەرن میونخ کە لە یانەکەی دڵخۆش نییە. هەر بۆیە پیشەنگەکەی سێریائەی دەیەوێت ئۆفەرێکی پێش بکات بۆ قایلکردنی بۆ ریزەکانی.
کیم مین جای، کە کەمتر لە ساڵێکە لە ناپۆلیەوە بە گڕێبەستێکی پێنج وەرزی و بە بڕی ٥٨ ملیۆن یۆرۆ پەیوەندی بە باڤارییەکانەوە کرد، بەهۆی کەمی بەشداری پێکردنەوە نیگەرانە لەسەر کورسی یەدەک و سەرچاوەی گازێتا دیلۆ سپۆرتی ئیتاڵیش ئاشکرای کردووە کە نێرازۆری نیازیان لە گواستنەوەی هەیە.
🚨 Inter Milan could offer Kim Min-jae a move away from Bayern Munich less than a year after joining. The defender has been unhappy with his playing time lately. 🇰🇷
(Source: Gazetta dello Sport) pic.twitter.com/5ah7fLhjpn
— Transfer News Live (@DeadlineDayLive) March 23, 2024
سەرچاوەکان لە ئیتاڵیاوە ئاماژەیان بەوە کردووە کە ئینتەر ئەستێرە کۆرییەکەی وەک باشترین بژاردە بیر لێ کردووەتەوە بۆ شوێنگرتنەوەی فرانچیسکۆ ئیچێربی ئیتاڵی کە چەند رۆژێک بەر لە ئێستا لە کامپی هەڵبژاردەی وڵاتەکەی نێرداروەتەوە ماڵەوە بە تۆمەتی گوفتاری رەگەزپەرستانە لە دژی خوان خیسۆسی بەرازیلی لە یانەی ناپۆلی.
کیم مین نامۆ نییە بە خولی ئیتاڵی و ئەو ماوەیەی ٢٠٢٢-٢٠٢٣ کاتێک لە ناپۆلی بوو، ڕەگەزێکی سەرەکی یانەکە بوو لە بردنەوەی نازناوی ئەو ساڵە و هاوکات خۆیشی وەک بەرگریکاری وەرز دیاری کرا.
لا گزێتا ئەوەیشی ئاشکرا کردووە کە رەنگە گواستنەوەکەی هاوشێوەی ئەوەی رۆمیلۆ لوکاکۆ بێت و بۆ دوو وەرز بە خواستن بیگوازنەوە میلانۆ.
