یاریگا –
کۆمپانیای نایکی کۆتایی هێنا بە پەیوەندیی ٧٠ ساڵەی نێوان هەڵبژاردەی ئەڵمانیا و کۆمپانیای ئەدیداس بۆ پۆشاکە وەرزشییەکان.
ئەمڕۆ یەکێتی تۆپی ئەڵمانیا لە راگەیەندراوێکدا بڵاوی کردەوە کۆمپانیای زەبەلاحی ئەمریکی “نایکی” خوازیارن ببنە فرۆشیار و بەرهەمهێنەر وسپۆنسەری درێسەکانیان لە دوای ساڵی ٢٠٢٧ بە دواوە. بەوەش کۆتایی دەهێنن بە کارکردن لەگەڵ ئەدیداسی وڵاتەکەیان کە لەوەتەی ساڵی ١٩٥٤ سپۆنسەری کەلوپەلەکانیان بووە.
🚨 OFFICIAL: Nike will become Germany's next equipment manufacturer from 2027 to 2034! 🇩🇪
No more adidas. 🤯🤯🤯🤯 pic.twitter.com/DNwv6Sq0Fu
— Transfer News Live (@DeadlineDayLive) March 21, 2024
بە گوێرەی زانیارییەکانی رۆیتەرز، گرێبەستی نایکی و مانشافت تا ٢٠٣٤ دەبێت و دەوترێت ئۆفەرێکی نایابیان پێشکەشی هەڵبژاردەکە کردووە.
زلهێزەکەی ئەوروپا بەرهەمەکانی ئەدیداس بەکار دەهێنێت لەوەتەی مۆندیالی ١٩٥٤ تا مۆندیالی ٢٠١٤، پاشان لە ساڵی ٢٠١٩ گرێبەستێکی چوار ساڵەیان واژۆ کردەوە تا ٢٠٢٢ و تا هاوینی ٢٠٢٦ پێکەوە دەمێننەوە پێش ئەوەی نایکی بە فەرمی رۆڵەکە وەرگرێت.
