یاریگا –
یانەی ریاڵ مەدرید خواستێکی زۆری لا دروست بووە بۆ گواستنەوەی ئەستێرەیەکی مانچێستە یونایتد و بۆ ئەو مەبەستە خودی فلۆرێنتینۆ پێرێز هەوڵە کەسییەکانی لە پێناودا بەگەڕ دەخات.
کردنە ئامانجی ئەستێرەکانی مان یو لەلایەن مێرەنگیەوە نوێ نییە و، دیارترین ئەو یاریزانانەی گواستراونەتەوە بۆ پایتەختی ئیسپانیا هەر لە ماوەی سەرۆکایەتی فلۆرێنتینۆدا بووە. لەوانە گابرێل هاینزی بەرگریکاری ئەرجەنتینی، رۆد ڤان نیستەلرۆی, دەیڤد بێکهام و کریستیانۆ رۆناڵدۆ و چیچاریتۆ.
بەگوێرەی زانیارییەکانی دیفێنسا سێنتراڵی نزیک لە ریاڵ مەدرید، زلهێزەکەی ئیسپانیا لە نزیکەوە چاودێری ئالیخاندرۆ گارناچۆی ئەرجەنتینی دەکەن و بۆ ئەو مەبەستە خودی پیرێز دەیەوێت لە میانی گەشتەکەیاندا بۆ شاری مانچێستەر و رووبەڕوو بوونەوەی مان سیتی لە یاریی چوونی چارەکی کۆتایی چامپیۆنزلیگ، چاوی بە ئەستێرە ١٩ ساڵانەکە بکەوێت و قایلی بکات بە گواستنەوەی بۆ قەڵای سپی.
🚨 Florentino Perez wants to meet Alejandro Garnacho when he travels to Manchester on April 17th.
He wants to sign the winger for Real Madrid, and hopes to convince him.
(Source: @defcentral) pic.twitter.com/bXmvNKOmmV
— Transfer News Live (@DeadlineDayLive) March 18, 2024
ئەو یاریزانەی باڵی چەپ لە ساڵی ٢٠٢٠ بە بڕی تەنها ٤٢٠ هەزار پاوەند لە ئەتڵەتیکۆوە پەیوەندی بە مانچێستەرەوە کرد و دوای ساڵ دوای ئەوە یەکەم یاریی خۆی ئەنجام دا بە درێسی یانە ئینگلیزیەکەوە.
لەم وەرزە لە کۆی ٣٨ بەشداریی لە سەرجەم پاڵەوانێتیەکاندا، توانیویەتی حەوت گۆڵ بکات و چوار پاسی گۆڵیش بدات بە هاوتیمەکانی.
