مانچێستەر یونایتد دەستبەرداری گرینوود دەبێت؟
یاریگا –
ئەگەری هەیە مانچێستەر یونایتد دەستبەرداری گرینوود ببێت.
رۆژنامەنووس فابریزیۆ رۆمانۆ بڵاویکردووەتەوە، مانچێستەر یونایتد هێشتا بڕیاری لەسەر چارەنووسی مەیسن گرینوود نەداوە و داهاتوویی یاریزانەکەی یەکلایی نەکردووەتەوە، بەڵام ئەگەر ئۆفەرێکی گونجاوی پێشکەش بکرێت رەنگە دەستبەرداری ببێت.
🚨 Man United have not made final decision yet about Mason Greenwood but feeling is that club will be ready to consider proposals in case of permanent transfer bids.
Man United could cash in on Greenwood this summer, waiting for INEOS verdict after internal talks. pic.twitter.com/PSIcg8xsG0
— Fabrizio Romano (@FabrizioRomano) March 11, 2024
گرینوود بەهۆی دادگایی کرانی بە تۆمەتی بەکارهێنانی توندوتژی دژی خۆشەویستەکەی، لە ریزەکانی مانچێستەر یونایتد دوورخرایەوە، لە هاوینی رابردووش بەشێوەی خواستن پەیوەندی بە خێتافی ئیسپانی کرد.
مەیسن لەگەڵ خێتافی ئاستێکی بەرز پێشکەش دەکات، بە درێسی یانەکە بەشداری 26 یاری کردووە، 8 گۆڵی کردووە و 5 گۆڵیشی درووستکردووە، هەر بەهۆی ئاستە بەرزەکەی سەرنجی چەند یانەیەکی بەلای خۆیدا راکێشاوە.
بەپێی زانیارییەکانی ماڵپەڕی فووت مێرکاتۆ، بارسێلۆنا و ئاتلێتیکۆ مەدرید و چەند یانەیەکی دیکە چاودێری یاریزانەکە دەکەن، ئارەزوو دەکەن لە هاوینی داهاتوو گرێبەستی لەگەڵدا واژۆ بکەن.
