یاریگا –
پێکانەکەی پێدری سەخت نییە و پێشبینی دەکرێت زوتر بگەڕێتەوە بۆ یاریکردن.
یەکشەممەی رابردوو لە یارییەکانی گەڕی 27ـی لالیگا، بارسێلۆنا لە یاریگای سان مامێس بووە میوانی ئاتلێتیک بلباو، یارییەکە بە یەکسانبوون بەبێ گۆڵ کۆتایی هات و بارسا نەیتوانی جیاوازی خاڵەکانی لەگەڵ ریال مەدریدی پێشەنگ کەمبکاتەوە.
هەر لە گێمی یەکەمی یارییەکە دوو گورزی کوشندە بەر یانە کاتالۆنییەکە کەوت و هەریەکە لە یاریزانان فرانکی دی یۆنگی هۆڵەندی و پێدری گۆنزالێزی ئیسپانی بەهۆی پێکان یاریگایان جێهێشت.
بەپێی پشکنینە پزیشکییەکان دەرکەوت پێدری لە رانی راستیدا تووشی پێکان بووەتەوە، سەرەتا پێشبینی دەکرا یاریزانەکە نزیکەی 2 مانگ لە یاریکردن دووربکەوێتەوە.
بەڵام کەمێک لەمەوبەر چاڤی هێرناندێزی راهێنەری بارسێلۆنا ئاشکرایکرد، پێکانەکەی پێدری سەخت نییە و زوتر دەگەڕێتەوە.
🔊 Xavi was on Pedri: "I told him it was his last injury, that he had to be positive. It's not as serious as we thought." #BarçaMallorca pic.twitter.com/tGrEFF6S74
— FC Barcelona (@FCBarcelona) March 7, 2024
پێکانەکەی پێدری سەخت نییە، لەو بەروارە زوتر دەگەڕێتەوە کە پێشبینیمان دەکرد.
لەم وەرزە دەرفەتی ئەوەمان بۆ نەرەخسا لە ژمارەیەک یاری زۆر بەیەکەوە یاری بە پێدری و گاڤی و دی یۆگ بکەین.
بارسێلۆنا لەم وەرزە لەکۆی 27 یاری 58 خاڵی کۆکردووەتەوە، بە جیاوازی 9 خاڵ لەدوای ریال مەدرید پلەی سێیەمی ریزبەندی خولەکەی گرتووە.
