یاریگا –
بارسێلۆنا پەیوەندی راستەوخۆی ئەنجام داوە لەگەڵ ڕاهێنەرێکی ئەڵمانی بۆ وەرگرتنی پۆستی راهێنەرایەتی یانەکە لەم هاوینەی دێت دوای ئەوەی چاڤی هێرناندێز لە ماوەی رابردوودا رایگەیاند بلاوگرانا جێ دەهێڵێت.
بەگوێرەی زانیارییەکانی فلۆریان پلێتینبێرگی رۆژنامەنووس لە سکای، یانە کەتەلۆنییەکە و هانسی فلیک گفتوگۆی ڕاستەوخۆیان ئەنجام داوە بۆ دەستنیشانکردنی ناوبراو لەم هاوینە و پێدانی پۆستەکە لە دوای چوونی چاڤی.
🚨 Barcelona and Hansi Flick have held concrete talks about becoming the new head coach in the summer.
He is one of the top candidates for the job.
(Source: @Plettigoal ) pic.twitter.com/DnIiWTjAPH
— Transfer News Live (@DeadlineDayLive) March 2, 2024
فلیک یەکێکە لە پاڵێوراوە دیارەکان بۆ ئەو پۆستە هەر لەو کاتەی چاڤی بەهۆی ئەنجامە خراپەکانیەوە ڕایگەیاند هاوین بارسا جێ دەهێڵێت.
دیارترین سەرکەوتنەکانی هانسی لەگەڵ بایەرن میونخ بوو کە ساڵی ٢٠١٩-٢٠٢١ بوو بەوەی لەو ماوە کورتەدا توانی چامپیۆنزلیگ و چەند دەستکەوتێکیت بۆ باڤارییەکان بباتەوە. بەڵام بە چوونی بۆ هەڵبژرادەی ئەڵمانیا و وەرگرتنی راهێنەرایەتی مانشافت، خۆری راهێنەرەکە ئاوا بوو کاتێک مەکینەکان هەر لە قۆناخی کۆمەڵەکان ماڵئاواییان لە مۆندیالی ٢٠٢٢ کرد بۆ دووەم جار لەسەر یەک و بەهۆی ئەنجامە خراپەکانیەوە دوور خرایەوە و لە سێپتەمبەری ساڵی پارەوە هیچ ئەرکێکی وەرنەگرتووە.
